كيف تبدأ تعلم اللغة الانجليزية وتبدأ منين

rahab -
1

كيف تعلم نفسك اللغة الانجليزية وتتكلمها بطلاقة

كيف تعلم نفسك اللغة الانجليزية وتتكلمها بطلاقة
مشكلة كبيرة عند ناس كتير انه عايز يتعلم انجليزي بس مش عارف يبدأ منين (من هنا - لا مش هنا- لا لا من هنا)

خلينا متفقين أن الانجليزي هو عقدة لناس كتير جداً جداً ودة واقع محدش هيقدر ينكرة مهمتي في المدونة دي ان أحاول أسهلك الموضوع وابسطلك الموضوع علشان تقدر تتخطي العقبة دي وتكتشف الموضوع أسهل مما كنت تتخيل في النقاط التالية

1- لية لازم تتعلم اللغة الأنجليزي

بصراحة مش محتاج أجاوب علي السؤال دة لان من السخيف انك توضح الواضح ولاكن خلينا نجاوب السؤال علي سبيل المثال لا الحصر
* تعلم اللغة الانجليزية شئ اساسي علشان تكمل دراستك
* لو أنتا عايز تسافر برة علشان تعمل دبلومة لازم تعدي ال TOEFL الي هو اختصار(Test Of English as a Foreign Language)
* 25% من سكان العالم بيتكلم انجليزي فابالتالي فأنتا لو في أي مكان في العالم هتقدر تكلم الناس هناك باللغة الانجليزية
* لو أنتا عايز تتعلم حاجة اون لاين زي ال (graphic Design ، graphic Animation، 3D Modeling، Video Editing) اي كان الحاجة دي فمفيش افضل من الكورسات الي باللغة الانجليزية الي علي المواقع زي Lynda.com  او غيرة
* لو انتا عايز تاخد دبلومة اون لاين فهتكون باللغة الانجليزية
فتعلم اللغة الانجليزية اصبح ضرورة ومعدش رفاهية انتا لازم تتعلم انجليزي غصباً عنك لازم تتعلم انجليزي
طيب بعد موضجنا اهمية تعلم اللغة الانجليزية هنعمل اية

2- هتبدأ أزاي تتعلم اللغة الانجليزية

علشان تبدأ تتعلم أنجليزي لازم تعرف حاجتين أنتا فين وعايز توصل لفين
1- عايز توصل لفين 
دي معروفة وهي انك عايز تتكلم أنجليزي زي الاجانب أكنك عايش في امريكا او مولود في امريكا (Talk like a native)
2- أنت فين
دي يحددها أختبار تحديد المستوي ممكن تعملوا في اي سنتر بيدي كورسات انجليزي او لو انت مش فاضي ومعندكش وقت ممكت تعملو أون لاين من خلال موقع (Languagelevel.com) فية مواقع كتير مكن تعمل عليها اختبار تحديد المستوي وانا جربت مواقع كتير قبل كتابة المدونة بس لقيت الموقع دة سهل وممتاز وهيديك النتيجة في ساعتها من خلال الاجابة علي 20 سؤال بيقولك انت مستواك اية والكورس المناسب ليك هو ايه
طيب بعد معرفت أنت فين وعايز توصل لفين يأتي دور اهم سؤال 
هتوصل أزاي؟
في الحقيقة الاجابة علي هذا السؤال معقدة ولاكن احنا زي ما اتفقنا هنفصص الموضوع بحيث يكون سهل ويبسط عليك انك توصل وتبدأ في تعلم اللغة الانجليزية علي بصيرة
تعليم اللغة الانجليزية أو أي لغة بيتطلب 3 حاجات 
(1) تتعلم كلمات
(2) تتعلم قواعد
(3) تتعلم الننطق الصحيح
وفية تشبية يوضح علاقة ال 3 حاجات دل ببعض لو أنتا عايز تبني غرفة او جدار فأنت بتجيب طوب وترصة وتجيب مونة اسمنتية ما بين كل طوبة وطوبة علشان تمسك في بعضها وبعد متخلص بنا بتشطب وتدهن علشان يبقا شكلها حلو لو جينا طبقنا الكلام دة علي تعلم اللغة الانجليزية فالطوب دة هيبقا الكلمات وامونةالاسمنتية هي القواعد الي بتمسك الكلمات والتشطيب النهائي الي بيخلي شكل الحيطة حلو هو النطق الصحيح فمسنفعش انك تحفظ كلمات وتسيب قواعد اللغة الانجليزية علشان القواعج مهمة جدا جدا ومش صعبة خالص وهنشوف في المدونات الي بعد كدة أنشاء الله
يبقي لازم تتعلم قواعد اللغة الانجليزية علشان الكلام بتاعك يبقي مترابط ويبقا صحيح ويعبر عن الزمن الصحيح يبقي الحاجات الي لازم تتعلمها هي
(1) تتعلم كلمات                                 Words
(2) تتعلم قواعد                            Grammar
(3) تتعلم الننطق الصحيح        pronunciation
ودة الي هنركز علية في المدونات الي جاية
يبقي المطلوب منك دلوقت 
(1) أنك هتجيب ورقة وقلم وتكتب فيها انتا عايز تتعلم انجليزي لية ( الدافع ) وهالي هيخليك تكمل وتكون معاك باستمرار علشان لما تيجي تكسل تفكر نفسك انتا لية عايزتتعلم انجليزي ومتضحيش بالمجهود الي انتا بزلتة علشان لما تيجي تبدأ تاني هتبدأ من الاول
(2) هتروح لموقع (Languagelevel.com) علشان تقدر تحدد مستواك في اللغة الانجليزية وايه هو الكورس المناسب ليك 
ومتنساش تشوف المدونات التانية
لو عجبك المدونة متنساش المشاركة والكومنت علشان تشجعنا ان احنا نكمل
كلمات البحث 
خطوات تعلم اللغة الانجليزية للمبتدئين
كيف اتعلم اللغة الانجليزية في البيت
تعلم اللغة الانجليزية للمبتدئين حتى الاحتراف
كيف اتعلم اللغة الانجليزية من الصفر
افضل طريقة لتعلم اللغة الانجليزية بسرعة
كيف اتعلم الانجليزي بنفسي
كيف اتعلم اللغة الإنجليزية في أسرع وقت






التسميات :

1 تعليقات

أحدث أقدم